Azərbaycan, Bakı/ Trend müxbir Ü.İsmayılova/ Azərbaycanda yerli reytinq şirkətinin yaradılması lazımdır. Bunu çərşənbə axşamı Maliyyə Nazirliyinin Dövlət sığorta nəzarəti şöbəsinin müdiri Namiq Xəlilov söyləyib.
"Bu gün Azərbaycanda yerli reytinq şirkəti yoxdur, buna görə də reytinq almaq istəyən şirkətlər beynəlxalq təşkilatlara müraciət edirlər ki, bu da baha başa gəlir", - deyə o söyləyib.
Xəlilovun sözlərinə görə, Azərbaycan sığorta şirkətlərinin hazırkı vəziyyətini nəzərə alsaq, yerli reytinq hesabatı mövcud olarsa, sığorta şirkətləri reytinq hesabatı cədvəlinin təqribən 20 bəndinə iddia edə bilərlər. "Beynəlxalq təşkilatların reytinq cədvəlinin isə cəmisi iki-üç bəndinə iddia edə bilirik",-deyə o qeyd edib.
Xəlilov bildirib ki, beynəlxalq reytinqin alınması - bu kənardan olan proffesional baxışdır ki, çatışmazlıqları göstərir və qısa zamanda bunları aradan qaldırmaq lazımdır. Hazırda Azərbaycanda 29 sığorta şirkəti fəaliyyət göstərir.
