Azərbaycan, Bakı/ Trend müxbir İ.Xəlilova/ Azərbaycanın Lizinq Şirkətləri Assosiasiyası (ALŞA) lizinq əməliyyatları üçün daha əlverişli ƏDV tətbiqi üçün təkliflərin hazırlanmasına başlayıb. Bu barədə Assosiasiyanın sədri Azər Məmmədov məlumat verib. ALŞA lizinq əməliyyatlarının ƏDV-yə cəlb olunmasını təklif edir.
Assosiasiya daha öncə lizinq predmeti olan texnika və avadanlıqların ƏDV-dən azad olunması təklif etsə də, hökumətə təqdim olunmuş məhsulların siyahısı qəbul olunmayıb. "Yeni mexanizm lizinq ödəməsi zamanı ƏDV-ni hesablamağa imkan verəcək ki, bu da həm müştəri, həm də lzinq şirkətləri üçün əlverişlidir",-deyə Məmmədov söyləyib.
Yeni mexanizmin tətbiqi 2008-ci ildə mümkündür. Bununla əlaqədar olaraq Lizinq Assosiasiyası növbəti il üçün Vergi Məcəlləsinə əlavə və dəyişikliklərin edilməsi üçün layihənin müzakirəsinə başlamaq istəyir.