Azərbaycan, Bakı /müx. Trend Ü.İsmayılova/ "Atəsgah" sığorta şirkətinin baş direktoru İntiqam Hüseynovun verdiyi məlumata görə, Azərbaycan Sığortaçılar Assosiasiyası sığorta şirkətlərinin reytinq əldə etməsi məsələsini həll edəcək. "Azərbaycanın sığorta bazarı beynəlxalq səviyyədə rəqabət apara biləcək reytinqə malik deyil. Kimisə qorxudacaq reytinqə malik olmaq lazım deyil" - deyə o bildirib.
Hüseynov bildirib ki, beynəlxalq səviyyədə tanınmayan hər hansı şirkətin daxili reytinqini müəyyən etmək lazım deyil.
Assosiasiyanın nəzarətçi şurasının üzvü bildirib ki, daxili etik qaydalarla məşğul olan komitə yaradılacaq və komitə əvvəlcə "döyüşmək yox, mübarizə aparmaq" adlı ümumi prinsip hazırlayacaq, sonra reytinq məsələsini həll edəcək.
Hüseynovun sözlərinə görə, şirkətlərin maliyyə sabitliyi reytinqini əldə etməsinin əsas göstəricisi kapitalizasiyadır.
Reytinqin əldə edilməsi qaydasına korporativ idarəetmə, ixtisaslı kadrlar sistemi də daxilir.
Maliyyə sabitliyi reytinqini əldə etmək məqsədilə ilk mərhələdə daxili mütəxəssis problemini və komitənin məşğul olacağı kapitalzasiya məsələsini həll etmək lazımdır.
Azərbaycanın sığorta bazarında sağlam rəqabət məsələsinə gəldikdə isə, Hüseynov bildirib ki, bu sahədə bəzi əlavə işlər görmək lazımdır.
"Atəshgah" rus-Azərbaycan müştərək sığorta şirkəti 1996-cı ildə təsis edilib, sığorta fəaliyyəti haqda lisenziyanı isə 1997-ci ildə əldə edib.
Şirkət Azərbaycanda yeganə sığorta şirkətidir ki, quru və dəniz neft- qaz əməliyyatları ilə bağlı olan tədqiqat və istismar işləri kimi enerji risklərinin sığortası üzrə sığorta xidmətləri təklif edir.
