Azərbaycan, Bakı/ Trend / Yanvar-may ayları ərzində Azərbaycana 11 798 minik avtomobili idxal olunub ki, bu da ötən ilin müvafiq dövründən 3,9 faiz çoxdur. Dövlət Statistika komitəsindən verilən məlumata görə, bu dövr ərzində gətirilən minik avtomobillərinin dəyəri 90,738 mln. dollar təşkil edib ki, bu da ötən ildən 17 faiz çoxdur.
Yanvar-may aylarında Azərbaycana 3 739 yük avtomobili idxal olunub. Bu göstərici ötən ilin eyni dövrünün göstəricisindən 58,6 faiz çox olub. Avtomobillərin ümumi dəyəri ötən ildən 71,6 faiz çox, 36 mln. dollar təşkil edib.