Azərbaycan, Bakı / Trend , müxbir İ.Xəlilova/ Azərbaycanın nümayədə heyəti ölkənin investisiya imkanlarının sentyabrın 10-da Dublin və Şenonda təqdimatı üçün İrlandiyaya yollanır. Bu barədə cümə axşamı Azərbaycanın İxrac və İnvestisiyaların Təşviqi Fondunun (AZPROMO) prezidenti Emil Məcidov məlumat verib.
"Ölkənin biznes-mühitinin İrlandiyada təqdimatı ilk dəfə keçiriləcək. Səfərin təşəbbüskarı isə İqtisadi İnkişaf Nazirliyidir" - deyə Məcidov bildirib.
Onun fikrincə, Azərbaycan üçün İrlandiyada daha çox təşəkkül tapmış sahələr - maliyyə və telekommunikasiya sektorları maraqlıdır. Bundan əlavə, İrlandiya ilk dəfə iqtisadi zonanın yaradıldığı ilk ölkədir. "Bizi daha çox bu məsələnin nəzəri tərəfi maraqlandırır, nəinki praktiki. Ona görə də bu təcrübə ilə də tanış olmaq faydalı olardı" - deyə AZPROMO rəhbəri vurğulayıb.
Güman olunur ki, nümayəndə heyətinə İqtisadi İnkişaf Nazirliyinin İnvestisiya siyasəti şöbəsinin müdiri Əsgər Ələkbərov rəhbərlik edəcək. Heyətə həmçinin AZPROMO və bir sıra şirkətlərin nümayəndələri daxil olacaq.