Azərbaycan, Bakı / Trend , müxbir İ.Xəlilova / Cənubi Koreyanın STX konsorsiumu Azərbaycanın Nəqiyyat Nazirliyinə Bakı buxtasında avtomobil körpüsünün tikintisi imkanlarını nəzərdən keçirməyi təklif edib. Bu məlumatı cümə axşamı Azərbaycanın Nəqliyyat Nazirliyinin Nəqliyyat Siyasəti və İqtisadiyyat Şöbəsinin direktoru Sədrəddin Məmmədov verib.
Onun sözlərinə görə, körpünün çəkilməsinin bin neçə variantı nəzərən keçirilir, Zığ qəsəbəsindən Şıx buxtasına və ya Nargin adasından Qaradağ rayonuna qədər. Koreya şirkəti ödənişli avtomobil körpüsü tikməyi nəzərdə tutur ki, bu da obeyktlərin idarə edilməsi zamanı STX-nin qoyduğu investisiyaları layihəyə qaytarılmasına imkan verəcək. Təxminən 15-20 ildən sonra o gələcək idarəetmə məqsədilə hökumətə qaytarıla bilər.
"Bu turizmin inkişafı nöqteyi -nəzərindən çox sərfəli layihədir. Digər tərəfdən, bu layihənin reallaşması zamanı dövlət heç bir vəsait sərf etməli omayacaq" - deyə Məmmədov bildirib. Körpünün ödənişli olmasına baxmayaraq vaxta və yanacağa qənaət edilməsi sayəsində təyin edilmiş məbləğ xeyli az görünəcək. Ödəniş kartlar və ya xüsusi mexanizmə malik avtomobillərdə mantaj işləri vasitəsilə ödənilə bilər ki, bu mexanizmlər də avtomobil sahibinin hesabından məbləği özü çıxacaq.
Körpünün tikintisinə yatırılacaq investisiyaların həcmi hələ ki müəyyənləşdirilməyib, belə ki, bu seçilən variantdan asılı olacaq. Körpünün uzunluğu 15 km-dən 29-km-ə qədər ola bilər.
Layihənin dəyəri onun işlənib hazırlanmasından sonra müəyyən olunacaq ki, bu da ölkə rəhbərliyinin razılığından sonra baş tuta bilər, lakin ölkə hakimiyyəti bu barədə məlumatlandırılıb.
