...

Qazaxıstanın dəniz yatağının işlənməsinə dair müqavilənin imzalanması təxirə salınıb

Energetika Materials 25 Fevral 2008 16:02 (UTC +04:00)

Qazaxıstan, Astana, 25 fevral/ " , müxbir K.Konırova/ "KazMunayqaz" SC MŞ və Energetika və Mineral Ehtiyatlar Nazirliyi arasında Qazaxıstanın "Jambıl" dəniz yatağı üzrə PSA tipli müqavilənin imzalanması haqqında bir müddət əvvəl yayılan məlumat qeyri-müyəyyən müddətə təxirə salınıb. Bu barədə bazar ertəsi Trend ın Astanadakı xüsusi müxbirinə "KazMunayqaz"dakı məlumatlı mənbə bildirib.

"Jambıl" yatağı Xəzərin Qazaxıstan sektorunun şimal-qərb hissəsində yerləşib.

""KazMunayqaz" və Energetika və Mineral Ehtiyatlar Nazirliyi arasında PSA tipli müqavilənin imzalanması tərəflər PSA-nın əvəzinə sazişin hüquqi forması barəsində müəyyənləşənədək təxriə salınıb" - mənbə bildirib.

Şirkət nümayəndəsinin sözlərinə görə, "ola bilsin ki, "KazMunayQaz" hökumətə şirkətin statusunu nəzərə almaq və onun üçün ixrac gömrük rüsumunun tətbiqi ilə bağlı vəziyyətdə olduğu kimi bir sıra istisnalar etməsini istəyir".

Ötən həftə Qazaxıstanın baş naziri Kərim Məsimov təbii sərvətlərdən istifdəylə bağlı yeni müqavilələr bağlanan zaman PSA rejimi tətbiq etməmək haqqında sərəncam verib.

"Təbii sərvət istifadəçilərindən vergi alınması üzrə ümumilikdə, iqtisadiyyatın xammal sahələrinə vergi yükünün artırılmasını nəzərdə tutmaq, vergilərin ödənilməsi qaydasına yenidən baxmaq lazımdır. O cümlədən, təbii sərvətlərdən istifadə üzrə yenidən bağlanılan müqavilələr üçün məsələləri diqqətlə hazırlamaq - təbii sərvətlərdən istifadəyə dair müqavilənin növü kimi məhsulun bölünməsi haqqında sazişi istisna etmək lazımdır" - Baş nazir Astanda vergi xidmətləri işçilərinin forumu çərçivəsində bildirib.

"Düşünürəm ki, bu məsələni bağlamaq lazımdır" - Məsimov əlavə edib.

Bununla yanaşı, nazir qeyd edib ki, təbii sərvətlərdən istifadəyə dair əvvəllər bağlanmış müqavilələr üçün PSA reijimi saxlanılacaq.

"Qazaxıstan bağlanmış müqavilələrdə əks olunan öhdəliklərinin icrasına davam edəcək. Yeni rejimlər üzrə PSA-nı istisna etmək lazımdır. Biz başqa vaxtda başqa şəraitdə yaşayırıq" - Məsimov bildirib.

Xəbər lenti

Xəbər lenti