Azərbaycan, Bakı, 03 mart / Trend , müxbir A.Bədəlova/ABŞ-ın böyüklüyünə görə üçüncü olan "JP Morgan" bankının proqnozlarına görə, dünya bazarında neftə olan tələbat 2008-ci ildə gündəlik 1,5 mln. barreldən 87,3 mln.qədər artacaq. Bu haqda Trend a bankdan məlumat verilib.
"JP Morgan"nın analitikləri proqnozlaşdırırlar ki, 2008-ci ildə gündə 49,7 mln. barrel neft İqtisadi Əməkdaşdıq və İnkişaf Təşkilatına (İƏİT) daxil olan ölkələrin, 37,6 mln.barrel isə İƏİT-ə daxil olmayan ölkələrin payına düşür. 2008-ci ildə İƏİT-də neftə tələbat 2007-ci ilə nisbətən təxminən 0,5 mln. barrel artacaq.
Bankdan əvvəl verilən məlumatlara görə, 2007-ci ilin dekabrında dünya üzrə neftə olan tələbat gündə 1,4 mln. barreli keçirdi. 2008-ci ilin dördüncü rübündə isə tələbat gündə 1 mln. barreli ötəcək.
Beynəlxalq Energetika Agentliyinin proqnozlarına görə, 2008-ci ildə dünyanın neftə olan gündəlik tələbatı 0,2 mln. barreldən 87,6 mln. barrelə qədər enəcək
Dünyanın ən iri investisiya banklarından biri olan "Goldman Sachs" bankı isə Amerikada neft istehlakı səviyyəsinin enəcəyini proqnozlaşdırır. Onlar həmçinin sürətlə inkişaf edən Çin və Hindistan bazarlarının da neftin qiymətlərinə təsir etməyəcəyini ehtimal edirlər.
.
