Azərbaycan, Bakı, 12 aprel / Trend / Ötən il Azərbaycanda orta hesabla sutkalıq neft hasilatı 843 min barel təşkil edib. Bu da orta hesabla sutkalıq173 min barel neft hasil olunmuş 1997-ci ilin neft hasilatı nəticələrindən beş dəfə çoxdur. Bu barədə ABŞ-ın Dövlət Energetika İnformasiyaları İdarəsinin (EİA) məlumatında bildirilir.
1998-ci ildə neft hasilatı sutkada 230 min barel təşkil edib,1999-cu ildə bu göstərici 276 min barel, 2000-ci ildə 280 min barel, 2001-ci ildə 301min barel, 2002-ci ildə 310 min barel, 2003-ci ildə 320 min barel, 2004 -cü ildə 311min barel, 2005-ci ildə 433 min barel, 2006-ci ildə isə 640 min barel neft təşkil edib.
Neft hasilatı həcminin artması yeni yataqların işlənməsi və bu prosesə xarici kapitalın cəlb olunması ilə əlaqədardır. Azərbaycanda neft hasilatı üzrə ən iri layihə BP-nin rəhbərliyi altında xarici şirkətlər konsorsiumunun reallaşdırdığı "Azəri - Çıraq - Günəşli" yataqlarının ("AÇQ") işlənməsi layihəsidir.
"Azəri -Çıraq - Günəşli" yatağından birgə istifadə və hasilatın pay bölgüsü barədə razılıq 1994-cü il sentyabr ayında imzalanıb. Müqavilənin fəaliyyət müddəti 30 il ərzində nəzərdə tutulub. Hasilat "Çıraq" yatağında 1997-ci ildə, "Mərkəzi Azəri"də 2005-ci ilin əvvəlində, "Qərbi Azəri"də 2006-cı ilin əvvəlində, "Şərqi Azəri"də isə 2006-cı ilin sonunda başlanıb. "Günəşli" yatağının dərin su hissələrində neft hasilatına cari ilin ortalarında başlanması nəzərdə tutulur.
Azərbaycan dünya bazarına əsasən "Azəri-Çıraq- Günəşli" (BP- işlənmə operatoru) yataqlarından hasil olunan Azeri Light növlü neft idxal edir.Yüngül neftin idxalı Bakı-Tbilisi- Ceyhan (Operatoru BP) boru kəməri vasitəsilə həyata keçirilir. Azərbaycan-Gürcüstan dəmiryolu vasitəsilə Gürcüstanın Batumi limanından Azeri Light nefti Amerikanın "ExxonMobil" və "DevonEnergy" ("Azəri-Çıraq-Günəşli" layihəsinin iştirakçıları) şirkətləri tərəfindən daşınır. Bakı-Supsa neft kəməri (operatoru BP) təmirdən sonra ilin ortalarında istismara veriləcək. Bakı-Novorossiysk (operatoru ARDNŞ) boru kəməri vasitəsilə ARDNŞ-ın şəxsi vəsaitləri hesabına yataqlardan hasil olunan neft idxal olunur.
| 1997 | 1998 | 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | |
| Yanvar | 295 | 295 | 310 | 320 | 322 | 500 | 815 | 906 | ||||
| Fevral | 299 | 306 | 310 | 325 | 335 | 620 | 822 | |||||
| Mart | 304 | 304 | 310 | 325 | 340 | 540 | 863 | |||||
| Aprel | 303 | 291 | 315 | 310 | 345 | 580 | 822 | |||||
| Mart | 306 | 332 | 320 | 310 | 400 | 615 | 893 | |||||
| İyun | 301 | 336 | 325 | 310 | 450 | 600 | 891 | |||||
| İyul | 303 | 311 | 325 | 255 | 410 | 660 | 910 | |||||
| Avqust | 303 | 312 | 325 | 310 | 490 | 710 | 882 | |||||
| Sentyabr | 300 | 313 | 325 | 306 | 500 | 680 | 567 | |||||
| Oktyabr | 298 | 308 | 325 | 325 | 520 | 690 | 871 | |||||
| Noyabr | 307 | 311 | 325 | 320 | 535 | 780 | 903 | |||||
| Dekabr | 295 | 304 | 325 | 322 | 540 | 700 | 874 | |||||
| Cəmi | 173 | 230 | 276 | 280 | 301 | 310 | 320 | 311 | 433 | 640 | 843 |