...

Azərbaycanın Dövlət Neft Fondunun aktivləri birinci rübdə təxminən 35 faiz artıb

Energetika Materials 17 Aprel 2008 20:29 (UTC +04:00)

Azərbaycan, Bakı, 17aprel / Trend , müxbir İ.Xəlilova/ Azərbaycan Dövlət Neft Fondunun (ARDNF) 2008-ci ilin birinci rüb yekunlarına görə gəlirləri 1116,4 mln. manat, xərcləri isə 438,4 mln. manat təşkil edib. Bu barədə cümə axşamı Neft Fondunun icraçı direktoru Şahmar Mövsümov mətbuat konfransında məlumat verib.

Fonda daxil olan vəsaitlərin böyük hissəsi (96,7 faizi) mənfəətli neftin satışından gəlib. Həyata keçirilmiş neft müqavilələrindən əldə olunan 1,094 mlrd. manat, həmçinin mənfəətli neftin satışı 1,079 mlrd. manat, akr hesabları 0,8 mln.manat Bakı- Tbilisi- Geyhan layihəsi üzrə dividentlər 14 mln. manat, xarici sərmayəçilərin öz aktivlərini təhvil verməsi 0,04 mln. manat səviyyəsində olub.

Mövsümovun sözlərinə görə, fondun vəsaitlərlə idarəedilməsindən gələn gəlirlər 22,4 mln. manat, fondun valyuta aktivlərinin yenidən qiymətləndirməsindən gələn büdcəxarici gəlirlər isə 20,2 mln. manat təşkil edib.

Neft Fondunun xərclər strukturunda qaçqın və məcburi köçkünlərin sosial vəziyyətinin yaxşılaşdırılmasına 7,3 mln. manat ayrılıb. ARDNF vəsaitlərinin hesabına11,4 mln. manat ayrılaraq Samur-Abşeron suvarma sisteminin yenidənqurma layihəsi və 29 mln. manat ayrılaraq isə Oğuz-Qəbələ zonasından Bakıya qədər su kəmərinin çəkilməsi maliyyələşdirilib. Fonddan dövlət büdcəsinə köçürmələr 390 mln. manat təşkil edib.

Fondun inzibati və əməliyyat gəlirləri 0,7 mln. manat təşkil edib. Neft Fondu həmçinin, 15,6 mln. manat gəlir vergisi ödəyib.

Fond aktivləri 2008-ci ili aprelin 1-ə olan nəticələrə görə, ilin əvvəli ilə müqayisədə 34,8 faiz artaraq 3 335,8 mln. dollar (2 775 mln. manat) təşkil edib.

"Birinci rüb neft fondu üçün uğurlu olub, bu da ötən ilin 1 mlrd. dolları ilə müqayisədə 860 mln. dollar əlavə gəlirin əldə edilməsi ilə təsdiq olunur"- deyə Mövsümov bildirib.

17 aprelə olan rəsmi məzənnə 0,8285 AZN/USD.

Müəlliflə əlaqə saxlamaq üçün elektron ünvan: capital

Xəbər lenti

Xəbər lenti