Azərbaycan, Bakı, 15 may / Trend , müxbir V.Şərifov / Dünya bazarlarında son günlərdə bir bareli $120-dan aşağı enməyən neftin yüksək qiymətləri əcnəbi neft şirkətlərinin Azərbaycanın perspektivli strukturlarının işlənməsinə olan marağını artırıb. Əvvəllər əksər əcnəbi şirkətlər iqtisadi cəhətdən cəlbedici karbohidrogen həcmlərinin aşkar edilməməsi ilə əlaqədar, Azərbaycanın bir sıra perspektivli strukturlarında kəşfiyyat işlərinin davam etdirilməsindən imtina ediblər. Lakin əcnəbi şirkətlərin biznes-planları bir neçə il bir barel üçün $30-40 - ı aşmayan neftin qiymətinə əsaslanırdı və məhz bu, sözügedən strukturların işlənməsindən imtinaya dair qərarın qəbul edilməsinə səbəb olurdu.
Azərbaycan Dövlət Neft Şirkəti (ARDNŞ) bir neçə Avropa və Asiya şirkətilə quru və dəniz yataqlarının birgə işlənməsi imkanlarının öyrənilməsi üçün Anlaşma memorandumu imzalayıb. Bu barədə cümə axşamı ARDNŞ- dən Trend -a məlumat veriblər. Şirkətlərin adları açıqlanmır.
"Biz Azərbaycan sturkturlarının işlənilməsinə marağını itirməyən bir çox əcnəbi şirkətlərlə danışıqlar aparırıq", - ARDNŞ-nin nümayəndəsi bildirib.
ARDNŞ-nin yaxın perspektivdə əcnəbi şirkətlə "PSA" tipli növbəti sazişin bağlanmasına dair planları var. Ümumilikdə, 1994- cü ildən ARDNŞ müxtəlif vaxtlarda bu tipli təqribən 30 saziş imzalayıb. Perspektivli "Abşeron" dəniz blokunun birgə işlənməsi haqqında yeni saziş Fransanın "Total" şirkəti ilə bağlana bilər. "Abşeron" yatağının işlənilməsi bir neçə il əvvəl, əcnəbi şirkətlərin iqtisadi cəhətdən cəlbedici karbohidrogen həcminlərini aşkar etməmələri ilə əlaqədar dayandırılıb. ARDNŞ və "Total" gələcək "PSA" üzrə əsas kommersiya prinsiplərini razılaşdırıblar.
"Danışıqlar davam edir. Gələcək sazişin müəyyən cəhətləri razılaşdırılır", - ARDNŞ-dən bildirilib.
ARDNŞ "Total"-la "PSA" sazişini tərəflərin yuxarıda qeyd olunan strukturda, əvvəllər birgə işlədiyi əsasda imzalamaq niyyətindədir. Lakin bu dəfə gələcək sazişin, qazyönümlü olması nəzərə alınacaq. "Abşeron" strukturunda qaz aşkar olunarsa, o zaman ARDNŞ əcnəbi şirkətlərlə birgə işlədiyi "Şahdəniz" yatağında əldə olunmuş təcrübəsindən istifadə edəcək. Qeyd etmək lazımdır ki, "Şahdəniz" yatağından əldə olunan yanacaq Cənubi Qafqaz qaz kəmərilə ixrac olunur.
Əvvəllər "Abşeron"-da Amerikanın "ChevronTexaco" şirkətinin operator olduğu Şirkətlər Konsorsiumu işləyib. Bu müqavilədə "Total" da iştirak edib. Lakin quyunun qazılmasından sonra yataqda aşkar olunan ehtiyatlar kommersiya baxımdan cəlbedici olmayıb.
Müəlliflə əlaqə saxlamaq üçün elektron ünvan: [email protected]
