Azərbaycan, Bakı, 20 may/ Trend / Middle East Petrol şirkətinin idarə etdiyi "Dübəndi" neft terminalından dörd ay ərzində 1,5 mln. tondan çox neft yüklənib. Bu barədə "Azersun" holdinqinin rəhbəri Abdolbari Gözəl məlumat verib.
Gözəl bildirib ki, ilin sonunadək "Dübəndi" terminalı vasitəsilə Qazaxıstan və Türkmənistandan 4 mln. ton həcmində neft və neft məhsullarının aşırılması planlaşdırılıb.
Dübəndi limanının gücü ildə 10 mln. ton, çən parkının həcmi - 340 min ton, Bakı-Novorossiysk boru kəməri ilə birləşmə - ildə 5 mln. ton. təşkil edir. Dəmir yolu ilə illik nəqlin həcmi 10 mln. tondur.
Terminalın azad istehsal gücləri ildə Bakı-Novorossiysk magistral neft kəməri ilə ildə 5 mln. ton, dəmir yolu üzrə Gürcüstanın Qara dəniz limanlarına isə ildə 2,3 mln. ton neft aşırmaq və nəql etmək imkanı verir.
2007-ci ildə Azərbaycan terminallar vasitəsilə Gürcüstanın Qaradəniz limanlarına 3,46 mln. ton neft və neft məhsulları nəql edib. Neftin əsas həcmi - 2,73 mln. ton "Dübəndi" neft terminalının payına düşüb, 730 min ton isə Bakıdakı neft terminalı vasitəsilə aşırılıb.
