Azərbaycan, Bakı, 04 iyun / Trend , müxbir E.İsmayılov/ Azərbaycanın sənaye və energetika naziri Natiq Əliyev hesab edir ki, Azərbaycan, Dövlət Neft Şirkətinin (ARDNŞ) yataqlarından şəxsi vəsaitləri hesabına hasil etdiyi qazın satışı üzrə Gürcüstanla uzunmüddətli müqavilə bağlamamalıdır.
"Uzunmüddətli müqavilələr tez-tez pozulur. Hesab edirəm ki, onları qısamüddətli tərtib etmək daha yaxşıdır. Gələn il gələr və biz yenə razılaşarıq", - deyə nazir çərşənbə günü jurnalistlərə bildirib.
ARDNŞ hazırda Gürcüstana gündəlik 1,5 mln. kub metr qaz tədarük edir. Yazda 2008-ci il ərzində 500 mln. kub metr qazın tədarükü üzrə bağlanan saziş cari ilin sonunadək qüvvədədir. Qazın tədarük qiyməti açıqlanmır.
"Hesab edirəm ki, Azərbaycana 5-10 il sonra üçün hər hansı bir proqnozlar vermək əlverişli deyil. Bu, qətiyən lazım deyil. Qısamüddətli müqavilələr daha yaxşı işləyir", - Əliyev hesab edir.
Gürcüstan ARDNŞ-la müqavilədən savayı, "Şahdəniz" yatağının işlənməsi üzrə tərəfdaşlarla qaz tədarükünə dair müqaviləyə malikdir, həmçinin Cənubi-Qafqaz qaz kəməri üzrə Azərbaycan yanacağının Türkiyəyə tranzit haqqının bir hissəsini qazla əldə edir.
Müəlliflə əlaqə saxlamaq üçün elektron ünvan: [email protected]
