Azərbaycan, Bakı, 09 iyul/ Trend , müxbir İ.Əlizadə/Azərbaycan neftinin dünya bazarına Odessa-Brodı neft kəməri vasitəsilə çıxması ilə bağlı məsələyə dair son qərar noyabrda Bakıda keçiriləcək enerji sammitində qəbul ediləcək, - çərşənbə günü Azərbaycanın Ukraynadakı səfiri Tələt Əliyev deyib.
"Hazırda neft boru kəmərinin Ploska, oradan isə Qdanska çəkilməsi üzrə işlər aparılır. Texniki və iqtisadi tədqiqatlar üzrində iş gedir", - Əliyev bildirib.
Odessa-Brodı magistral neft boru kəməri 2001-ci ildə inşa edilib. O, bir neçə il istifadə olunmayıb. 2004-cü il iyun ayının sonlarında Ukrayna hökuməti Rusiya neftinin revers rejimdə nəqli üçün boru kəmərindən istifadəyə icazə verib. Brodı-Plotsk neft kəməri hissəsinin tikinti layihəsinin reallaşdırılması üçün Ukrayna, Azərbaycan, Polşa, Gürcüstan və Litvanın iştirakı ilə "Sarmatiya" Birgə Müəssisəsi yaradılıb.
Şirkətin əsas fəaliyyət istiqamətləri layihə-smeta sənədlərinin hazırlanması, investisiyanın cəlb edilməsi və tikinti işlərinin təmin edilməsindən ibarətdir.
