Azərbaycan, Bakı, 18 avqust/ Trend , müxbir E.İsmayılov/ Azərbaycanın Kulevidəki (Gürcüstan) neft terminalının rəhbərliyi Tbilisi yaxınlığındakı Gürcstanın Qara dəniz limanlarına aparan alternativ körpüdə təmir işləri vaxtında başa çatdırılmazsa, yüklərin aşırılmasının dayanacağından ehtiyat edir,- bazar ertəsi terminaldan bildiriblər.
Şənbə günü neft və neft məhsullarının nəqlinin həyata keçirildiyi körpünün partladılması nəticəsində, Gürcüstan limanlarına dəmir yolu ilə neft və neft məhsullarının göndərilməsi dayandırılıb. Hazırda körpüdə təmir işləri aparılır və işləri ay ərzində başa çatdırmaq planlaşdırılır. Hazırda Azərbaycan və Mərkəzi Asiyadan neft və neft məhsullarının müvəqqəti nəqlinin həyata keçiriləcəyi köhnə körpüdə təmir işləri aparılır.
"Hələ ki bizdə partlayış vaxtı terminal və partladılmış körpü arasında olan yük var. Vəd edilib ki, alternativ dəmir yolu yatağında işlər bu gün axşama başa çatacaq. Əgər bu baş verməzsə, bizdə yüklərin aşırılması ilə bağlı probemlər yaranacaq", - terminaldan bildiriblər.
Azərbaycanın Dövlət Dəmir Yolundan bildiriblər ki, Poti, Kulevi və Batumi limanlarına aparan alternativ sahədə təmir işlərini bazar ertəsi və ya çərşənbə axşamı başa çatdırmaq planlaşdırılır. Burada təmir işlərini gürcü və azərbaycanlı mütəxəssislər həyata keçirirlər.
Kulevi terminalı eyni vaxtda 168 sistern-vaqonu qəbul edə bilər. Terminalın ümumi aşırma gücü 2 mln. ton xam neft, 3 mln. ton dizel yanacağı, 4 mln. ton mazut daxil olmaqla ildə 10 mln. maye neft məhsulları təşkil edir. Terminalın çən parkının ümumi tutumu 320 min kubmetrdir. Terminalın illik gücünü 15- 20 mln. tonadək artırmaq, çən parkını 380 min kubmetrədək genişləndirmək planlaşdırılır.
Müəlliflə əlaqə saxlamaq üçün elektron ünvan: [email protected]
