Azərbaycan, Bakı, 20 avqust / Trend , müxbir E.İsmayılov/ Gürcüstanda Qara dəniz Poti, Batumi, Kulevi limanlarına gedən və şənbə günü partladılan körpünün təmirinin 10-15 gün ərzində başa çatdırılması nəzərdə tutulub. Bu barədə "SOCAR Georgia" şirkətinin Baş direktoru Mahir Məmmədov bildirib.
Gürcüstanın Kaspi şəhəri yağınlığında yerləşən bu körpünün partladılması səbəbindən dəmir yolu ilə neft maye və quru yüklərin göndərilməsi dayandırılıb.
"İşlər 10-15 gündən sonra başa çatacaq, lakin düşünürəm ki, bu çox vaxt aparacaq. Alternativ körpü üçün də işlər aparılır, lakin o, olduqca köhnədir, ola bilsin ki, bu körpü vasitəsilə aztonnajlı qatarlar buraxılsın", - deyə Məmmədov bildirib.
Hazırda körpünün partladılan hissəsində dəmir beton konstruksiyalardan təmizləmə və bərpa işləri aparılır.
1901-ci ildə tikilən alternativ dəmir yolu körpüsündə isə təmir işləri bir neçə gün çəkib. Azərbaycan Dövlət Dəmir Yol İdarəsindən çərşənbə günü verilən məlumata görə, körpü möhkəm olmadığı üçün ekspertlər bu körpünün iritonnajlı yüklərin nəqli üçün yararsız olduğunu bildirirlər.
Məqalə müəllifi ilə əlaqə ünvanı: capital
