Azərbaycan, Bakı, 23 oktyabr/ Trend / SOCAR (Azərbaycan Dövlət Neft Şirəkti) Xəzərdə ən böyük kran gəmisi olan "Azərbaycan" barj - kranın təmirini həyata keçirir. Bu barədə SOCAR-ın məlumatında bildirilir. 2500 ton yük nəqletmə imkanına malik gəmidə platforma quraşdırılmasında istifadə olunan dirək vuran avadanlıq təmir edilir.
Gəminin təmiri noyabrın ortalarında başa çatmalıdır. Təmir işlərindən sonra gəmi "Ümid -1" yatağında eyni adlı platformanın ikinci blokunun quraşdırılmasına cəlb ediləcək. Bu, son 15 il ərzində SOCAR-ın perspektivli strukturunun işlənməsi üzrə ilk iri layihədir. Şirkət bu layihəni şəxsi imkanları hesabına həyata keçirmək niyyətindədir.
SOCAR-ın Bakı dərin özüllər zavodunda hazırlanan platformanın ilk bloku, artıq suyun 58 metr dərinliyində quraşdırılb. İkinci blok noyabrda göndəriləcək.
Gələn ilin birinci yarısında platformanın istifadəyə verilməsi planlaşdırılır.