...

"Şahdəniz" yatağında növbəti quyu gələn il istismara veriləcək

Energetika Materials 7 Noyabr 2008 20:37 (UTC +04:00)

Azərbaycan, Bakı, 07 noyabr/ Trend , müxbir S.Əliyev/ "Şahdəniz" yatağının işlənilməsi layihəsinin texniki operatoru BP şirkəti gələn ilin beşinci quyunu (hasilat platformasından qazılmış birinci) istismara vermək niyyətindədir, - layihəyə yaxın mənbə bildirib.

Bu quyu debitinə görə "Şahdəniz"də qazılmış bütün quyulardan ən böyüyü olmalıdır. Hazırda yataqdakı dörd quyudan sutkada 22 mln. kubmetr qaz hasil edilir.

Azərbaycanda "Şahdəniz" qaz - kondensat yatağının işlənilməsinin birinci mərhələsində ümumi qaz hasilatı 180 mlrd. kubmetr təşkil edəcək. "Şahdəniz" layihəsinin birinci mərhələsi çərçivəsində illik qaz hasilatının maksimal həcmi 8,6 mlrd. kubmetr olacaq. 2007- ci ildən yataqdan qaz hasilatı 7,7 mlrd. kubmetr həcmində qiymətləndirilir.

"Şahdəniz" yatağının işlənilməsinə dair saziş 1996 - cı il iyunun 4 - də imzalanıb. Saziş iştirakçıları bunlardır: BP (operator- 25,5%), Statoil (25,5%), NICO, Total, LUKAgip (10%), TPAO (9%), SOCAR (10%).

Yatağın ümumi qaz ehtiyatları 1,2 trln. kubmetr qiymətləndirilir.

Qaz Cənubi Qafqaz qaz kəməri ilə Gürcüstan və Türkiyəyə nəql edilir. Azərbaycan da qazın alıcısı kimi çıxış edir.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti