Azərbaycan, Bakı, 28 noyabr/ Trend , müxbir E.İsmayılov/ Azərbaycan prezidenti İlham Əliyev cümə axşamı Azərbaycan Respublikası Dövlət Neft Fondunun (ARDNF) Müşahidə Şurasının yeni tərkibinin təsdiq edilməsi haqqında sərəncam imzalayıb, - ARDNF - in cümə günü yayılan məlumatında bildirilir.
Dövlət başçısının sərəncamına əsasən, ARDNF Şurasının üzvləri qismində təsdiq edilib: Baş nazir Artur Rasizadə, parlament sədrinin müavini Valeh Ələsgərov, iqtisadi siyasət məsələləri üzrə dövlət müşaviri Vahid Axundov, maliyyə naziri Samir Şərifov, iqtisadi inkişaf naziri Şahin Mustafayev, Milli Bankın İdarə Heyətinin sədri Elman Rüstəmov, Milli Elmlər Akademiyasının sədri Mahmud Kərimov.