Gürcüstan, Tbilisi, 24 dekabr / Trend , müxbir N.Kirtsxaliya/ Gələn ilin yanvarında Türkiyə biznesmenlərindən ibarət nümayəndə heyəti Gürcüstana səfər edəcək. Onlar Gürcüstan iqtisadiyyatının müxtəlif sahələrinə sərmayə yatırmaq niyyətindədirlər. Bu barədə İstanbulda Gürcüstanın Baş naziri Qriqol Mqaloblişvili bildirib.
O, Türkiyə prezidenti və Baş naziri ilə görüşüb və iqtisadi əməkdaşlıq məsələlərini müzakirə edib.
"Biz, əsasən, enerji əməkdaşlığı məsələlərini müzakirə etdik. Elektrik enerjisinin gələcək ixracı məqsədilə həm Gürcüstan və Türkiyə arasında yeni elektrik ötürücü xətlərin çəkilməsi, həm də Gürcüstanın su ehtiyatlarının mənimsənilməsi üzrə danışıqlar aparılıb", - deyə Mqaloblişvili bildirib.
Baş naziri müşayiət edən Gürcüstanın energetika naziri Aleksandr Xetaquri bildirib ki, yeni elektrik ötürüucü xətlərin tikintisinə gələn il başlanacaq. Onun sözlərinə görə, yeni elektrik ötürücü xətləri nçəkilməsi 2011-ci ilədək başa çatacaq.
"Bu, su ehtiyatlarımızın tam mənimsənilməsinə imkan yaradacaq", - deyə nazir bildirib.
Məqalə müəllifi ilə əlaqə ünvanı: [email protected]