Azərbaycan, Bakı, 13 yanvar/ Trend , müxbir E.İsmayılov/ Xəzər Boru kəməri Konsorsiumunun (XBKK) səhmdarları 2008 - ci ildə "Yujnaya Ozereyka-2" terminalından 2007 - ci ildəki 32,6 mln. tona qarşı 31,5 mln. ton CPC Blend növlü neft yükləyiblər, - XBKK - nın PR-şirkəti "Mediastil" xəbər verir. 2008 - ci ildə Qazaxıstanın boru kəməri sisteminə 0,7 mln. ton neft verilib.
Ötən ilin dekabrında 2007 - ci ilin analoji dövründəki təxminən 2,7 mln. tona qarşı təxminən 3 mln. ton neft yüklənilib.
CPC Blend neftinin sıxlığı 812,3 kq/m3, kükürdün miqdarı - 0,53 faiz təşkil edir. CPC Blend-in bir tonunda 7,8 mln. barel neft var.
Terminlada həcmlərin nəqli və yüklənilməsini həyata keçirən XBKK-nin yük göndərənləri (qoşulma sırası ilə) aşağıdakılardır:
- "Tengizşevroyl" - bağlanmış müqavilələrdən birincisi - nəql olunan həcmlər sistemin əsas yüklənmə gücünü təmini edir;
- "Arman" - XBKK-nin səhmdarı - "Oriks Kaspian Payplayn LLC-nin (Oryx Caspian Pipeline LLC)" törəmə yük göndərəni. Hazırda "Şell"in mülkiyyətindədir.
- "Embamunayqaz" və "Kazaxoyl-Aktobe" - XBKK-nın səmhdarının törəmə yük göndərənləri;
- Kazakstan Pipeline Ventures LLC;
- "CNPC-Aktobemunayqaz" - Qazaxıstan hökumətinin çıxış hüquqlarından istifadə edərək, terminalda həcmlərin nəqli və yüklənilməsini həyata keçirir;
- "Litasko" - XBKK-nin səhmdarı - LUKARKO B.V.-nin törəmə yük göndərəni;
- "Karaçaqanak Petroleum Opereytinq B.V." - "Tengizşevroyl"dan sonra nəql edilən neftin həcminə görə ikinci yük göndərən, XBKK-nin bir sıra səhmdarlarının törəmə şirkəti;
- "NaftaTrans" QSC - QSC törəmə şirkətləri ilə birlikdə Rusiya Federasiyasının çıxış hüquqlarına müvafiq olaraq, Rusiya istehsalçılarının neftini XBKK-ya nəql etmək səlahiyyəti var.
Müəlliflə əlaqə saxlamaq üçün elektron ünvan: [email protected]