Qazaxıstan, 15 yanvar/ Trend , müxbir K.Konırova/"Yeraltı sərvətlər və Yeraltı sərvətlərdən istifadə haqqında" Qanunun Qazaxıstanın Energetika Nazirliyi tərəfindən təqdim edilən yeni redaktəsi ölkənin özünəməxsus xammal konstitutisyasıdır, - ölkənin energetika və mineral ehtiyatlar naziri Sauat Mınbayev Qanun layihəsinin təqdimatı ilə parlamentdə çıxışında bildirib.
"Mənin təqdim etdiyim "Yeraltı sərvətlər və Yeraltı sərvətlərdən istifadə haqqında" Qanun layihəsi bu gün ən vacib və mübahisəli qanunlardan biridir və respublikamızın özünməxsus xammal konstitusiyası olacaq", - Mınbayev vurğulayıb.
Onun sözlərinə görə, yeraltı sərvətlərdən istifadənin yeni qaydalarının işlənilməsi zərurətiçoxdan yetişib. Yeni Qanun layihəsinin məqsədlərindən biri yeraltı sərvətlərdən istifadəyə lisenziya verilməsi prosesini sistemləşdirməkdir.
"Yeni Qanun layihəsi mövcud qanunvericilikdəki çatışmazlıqları aradan qaldırmalı, yeraltı sərvət istifadəçilərinin fəaliyyəti üzərində daha şəffaf nəzarəti təmin etməlidir", - nazir deyib.
Mınbayevin sözlərinə görə, yeni qaydalara əsasən, kəşfiyyata müqavilə və hasilata müqavilə ayrılır.
"Yeni Qanun layihəsində kəşfiyyata ayrılan ümumi müddət 18, hasilata ayrılan müddət 24 aydır", - idarə rəhbəri əlavə edib.
Bundan başqa, məhsul bölgüsü haqqında saziş (MBH) ləğv ediləcək. "Cari ilin yanvarın 1- dən yeni Vergi Məcəlləsinin tətbiqi ilə, MBH siyasi baxımdan artıq ləğv edilib", - Mınbayev xatırladıb.
Müəlliflə əlaqə saxlamaq üçün elektron ünvan: [email protected]
