Azərbaycan, Bakı, 11 fevral / Trend , А.Bədəlova/ ABŞ Dövlət Enerji İnformasiyası İdarəsi (EİA) 2010-cu ildə amerika yüngül neft markası WTI-ın orta qiymətinin bir barel üçün 55 dollar olacağını proqnozlaşdırır.
Son altı ayda WTI-ın qiyməti bir barelə görə 133 dollardan 41 dollara enib. EİA-nın proqnozlarına görə, 2009-cu ildə WTI-ın orta qiyməti bir barelə görə 43 dollar təşkil edəcək.
Çərşənbə günü 11 fevral tarixi üçün Nyu-York Ticarət Birjasındakı (NY MEХ) satışların yekununa görə, martda tədarük üzrə WTI üçün fyuçers müqaviləsinin məbləği 2,01 dollar azalaraq bir barelə görə 37,55 dollara düşüb.
EİA məruzəsində deyilir ki, dünya iqtisadiyyatının tezliklə bərpa olunmaq imkanı, neftin aşağı qiymətə olması üzündən OPEK-ə daxil olmayan ölkələrin aşağı hasilat səviyyəsi, eləcə də kartelin neft hasilatının azaldılması üzrə aqressiv fəaliyyəti neftin qiymətinin tezliklə sabitləşməsinə gətirib çıxara bilər.
Konqress tərəfindən 1977-ci ildə yaradılmış Dövlət Enerji İnformasiyası İdarəsi ABŞ-ın energetika departamenti üzrə statistika agentliyidir.
Məqalə müəllifi ilə əlaqə ünvanı: с[email protected]
