Azərbaycan, Bakı, 12 mart / Trend , müxbir S.Babayeva /
Ölkənin ən iri kimya məhsulu istehsalçısı olan Azərikimya Dövlət Şirkəti ötən il istehsal həcmini 35,2% artırıb. Nazirlər Kabinetinin hesabatında deyilir ki, ötən il şirkətin müəssisələri tərəfindən 160,1 milyon manat dəyərində məhsul istehsal olunub.
2003-cü illə müqayisədə Azərikimya 2008-ci ildə istehsalatı 2,3 dəfə artırıb. O cümlədən polietilen istehsalı 1,4 dəfə, polietilen qatranı istehsalı 1,8 dəfə, propan oksidi istehsalı 1,7 dəfə və izopropil spirti istehsalı 1,2 dəfə artıb.
Bununla belə, şirkətin məhsullarının 80%-nin satışı dünya bazarında həyata keçirilir. Belə ki, 2008-ci ildə Azərikimya təqribən 30 ölkəyə 160 mln. manat dəyərində hazır məhsul ixrac edib və bu 2003-cü ilin nəticəsini 3,6 dəfə üstələyib.
Azərikimya strukturuna aiddir: Üzvü Sintez Zavodu, Səthi Fəal Olan Maddələr Zavodu, Sintetik Kauçuk Zavodu, Etilen-Polietilen zavodu, Azərikimya Dövlət Layihə İnstitutu və Azərbaycan Dövlət Kimya Elmi-Tədqiqat İnstitutu.
Məqalə müəllifi ilə əlaqə ünvanı: [email protected]