Azərbaycan, Bakı, 29 mart / Trend , müxbir E.İsmayılov /
Fevralda Türkiyə ərazisi ilə Bakı-Tbilisi-Ceyhan boru kəməri üzrə "Azəri-Çıraq-Günəşli" yataqları blokundan hasil edilən təqribən 20,6 mln. barel yüngül Azərbaycan neft nəql olunub. Bu göstərici yanvarda 20,2 mln. barel təşkil edib. Bu barədə Türkiyənin Botas dövlət boru kəməri şirkətinin rəsmi saytında yerləşdirilən məlumatında bildirilir. BTC ilə Türkiyə ərazisindən yanvar-fevralda ümumilikdə təqribən 41 mln. barel neft nəql olunub.
Ümumilikdə 2008-ci ildə Türkiyə ərazisindən BTC ilə 264 mln. barel Azeri Light markalı Azərbaycan nefti nəql olunub.
Neft kəmərinin operatoru BP şirkətidir. "BTC Co"nun səhmdarları: BP (30,1 faiz); AzBTC (25 faiz); Chevron (8,9 faiz); StatoilHydro (8,71 faiz); TRAO (6,53 faiz); Eni (5 faiz); Total (5 faiz); Itochu (3,40 faiz); Inpex (2,5 faiz); ConocoPhillips (2,50 faiz) və Hess (2,36 faiz).
Fevralda Türkiyə ərazisindən İraq-Türkiyə boru kəməri ilə yanvar ayının 16 mln. barelinə nisbətdə 12,1 mln. barel neft nəql olunub.
Fevralda Ceyhan-Kirrikale boru kəməri ilə Türkiyə ərazisindən yanvar ayının 1,8 mln. barelinə nisbətdə 1,2 mln. barel neft nəql olunub.
Fevralda Batman-Dördyol boru kəməri ilə 735 min barel neft nəql olunub. Bu göstərici yanvarda 987 min barelə bərabər olub.
Məqalə müəllifi ilə əlaqə ünvanı: [email protected]
