Azərbaycan, Bakı, 10 aprel / Trend /
"Bu il mayın 5-də Bakıda "Azərbaycanda istilik effekti yaradan qazların idarəolunması"na həsr edilmiş konfrans keçiriləcək", - konfransın təşkilatçısı olan SOCAR-ın (Azərbaycan Respublikası Dövlət Neft Şirkəti) cümə günü yayılmış məlumatında deyilir.
Konfransın keçirilməsində əsas məqsəd istilik effekti verən qaz mənbələrinin inventarlaşdırılması, bu qazların beynəlxalq təcrübəyə əsasən havaya sovrulmasının qarşısının alınması layihələrinin həyata keçirilməsi və Azərbaycan üzrə ümumi proqramın yaradılması üçün zəmin yaratmaqdır.
Konfrans Azərbaycan Ekologiya və Təbii Sərvətlər Nazirliyi, həmçinin Dünya Bankının dəstəyi ilə keçiriləcək.