Azərbaycan, Bakı, 09 iyun / Trend , müxbir A.Bədəlova /
Rumıniyanın Romgaz dövlət şirkəti Azərbaycan, Qazaxıstan və İranla "Nabukko" boru kəməri üçün qaz tədarükü haqqında müqavilənin tamamlanması üzrə danışıqlar aparacaq. Bu barədə Rumıniya şirkətinin baş direktorunun müavini Luçian Stanku bildirib, "Nine O'Clock" qəzeti yazır.
"Sonuncu danışıqlar Türkmənistan ilə aparılmışdı. Ümid edirəm ki, bu il də Azərbaycan ilə danışıqları bərpa edəcəyik", - deyə Stanku bildirib.
Dəyəri 7,9 mlrd avro olan "Nabukko" qaz kəmərinin tikintisinə başlamaq 2011-ci ildə nəzərdə tutulub. Boru kəməri ilə ilk tədarüklər 2014-cü ildə başlanacaq. Boru kəmərinin maksimal ötürmə gücü ildə 31 mlrd. kubmetr olacaq. Layihənin iştirakçıları OMV, Macarıstanın MOL, Bolqarıstanın Bulgargaz, Rumıniyanın Transgaz, Türkiyənin Botas və Almaniyanın RWE şirkətləridir.
Ötən həftə ABŞ nümayəndələri bəyan ediblər ki, İranın "Nabukko" layihəsində iştirakı Vaşiqtonla münasibətlərin normallaşdırılmasından sonra mümkündür.
İran Rusiyadan sonra təbii qaz ehtiyatalarına malik olan ikinci dövlətdir. İran Neft Nazirliyinin məlumatına əsasən, qaz ehtiyalarının həcmi 26 trilyon kubmetr təşkil edir, bu isə dünyadakı təbii qaz ehtiyatlarının 18 faizi deməkdir.
