...

Azərbaycan qazının Türkiyəyə satış qiymətində güzəşt olmalıdır - Nazir

Energetika Materials 13 İyun 2009 15:35 (UTC +04:00)

Azərbaycan, Bakı, 13 iyun / Trend müx E.İsmayılov /

Azərbaycan qazının Türkiyəyə satış qiyməti məsələsində "Şah Dəniz" qaz-kondensat yatağının işlənməsinin birinci mərhələsi çərçivəsində konsensus olmalıdır, şənbə günü Azərbaycanın sənaye və energetika naziri Natiq Əliyev deyib.

"Türkiyənin öz qaz bazarı var və o Rusiya, İran, Misir və digər ölkələrdən qaz alır. Mən hesab edirəm ki, bizim qazın dəyəri bu ölkələrin qazının dəyərindən aşağı olmamalıdır",- Əliyev deyib.

Əliyev bildirdiyi kimi, hazırda bu istiqamətdə danışıqlar davam etdirilir. Azərbaycanın əsas məqsədi Türkiyəyə qazı dünya bazarı qiymətləri ilə satmaqdır.

Hazırda Azərbaycanın Türkiyəyə qazı 1000 kubmetr üçün 120 dollar qiymətində tədarük edilir. Türkiyə ilə imzalanmış müqavilədə göstərildiyi kimi,"Şah Dəniz" qazının qiymətinə bir ildən sonra tədarüklərin başlamasından sonra baxıla bilər, belə ki, yeni qiymətlər 2008-ci il aprelin 15-dən tətbiq olunacaq.

Müqaviləyə görə, Türkiyə bu layihənin işlənməsinin birinci mərhələsində "Şah Dəniz" yatağından 6,6 milyard kubmetr qaz əldə etməlidir. Layihə üzrə bu həcmin tədarükünə tərəfdaşlar bu il başlamalıdırlar.

"Şah Dəniz" yatağının işlənməsi üzrə müqavilə 1996-cı il iyunun 4-də imzalanıb. Müqavilənin iştirakçıları: BP (operator) - 25,5 faiz, Statoil Hydro - 25,5 faiz, NICO - 10 faiz, Total - 10 faiz, LukAgip - 10 faiz, TPAO - 9 faiz, SOCAR- 10 faiz. Yatağın qaz ehtiyatlarının 1,2 trilyon kubmetr həcmdə olması qiymətləndirilir.

Məqalə müəllifi ilə əlaqə: [email protected]

Xəbər lenti

Xəbər lenti