Azərbaycan, Bakı, 25 iyun / Trend /
Rusiyanın Lukoyl neft şirkəti ARDNŞ-ın Xəzər Dəniz Donanmasının iki gəmisini icarəyə götürəcək. Bu barədə ARDNŞ-ın məlumatında deyilir.
Xəzər dənizinin şimalında yeni platformanın quraşdırılması üçün nəqledici barja (STB-1)"Neftqaz-58" yedəkləmə gəmisinin köməkliyi ilə Heydər Əliyev adına Bakı Dərin Özüllər Zavodunu tərk edərək Həştərxana istiqamət alıb. Hazırda Lukoyl şirkəti Xəzər dənizinin şimalında yeni yataqların hazırlanması üzrə işlər aparır.
Həmçinin yaxın zamanlarda bu sahəyə müasir avadanlıqlar təchiz olunan "Azərbaycan" kran gəmisinin gəlməsi də gözlənilir. Gəmi Xəzərin şimalına "Andoqa" yedəkləmə gəmisi ilə nəql olunacaq. Gəmi platformanın dənizin dibinə bərkidilməsi üçün mıx vurulması və semnet işləri ilə məşğul olacaq. Müqavilənin müddəti 40 gündür.