Azərbaycan, Bakı, 25 iyun / Trend /
Amerikanın ExxonMobil şirkəti postsovet ölkələrində öz əməliyyatlarının dəstəklənməsi üçün ABŞ-ın Xəzər regionunda keçmiş fövqəladə səfiri Stiven Manı əməkdaşları sıralarına qəbul edib. Bu barədə Energy Intelligence Group məlimat verib.
"Stiven Man Corc Buş dövründə ABŞ-ın Türkmənistandakı səfiri vəzifəsində fəaliyyət göstərib və Xəzər regionunda xüsusi səfir qismində Bakı-Tbilisi-Ceyhan neft kəməri layihəsinin həyata keçirilməsində əhəmiyyətli rol oynayıb", - Energy Intelligence Group qeyd edir.
ExxonMobil Rusiya, Azərbaycan və Qazaxıstanda əməliyyatlar aparır, həmçinin Türkmənistanda fəaliyyət imkanları axtarır.