...

Azərbaycan neftinin qiyməti azalıb

Energetika Materials 13 İyul 2009 12:52 (UTC +04:00)

Azərbaycan, Bakı, 13 iyul / Trend , müxbir A.Bədəlova /

İyulun 10-da CIF liman Augusta şərtləri ilə Azərbaycanın yüngül neftinin qiyməti $59,66/barel təşkil edib. 1997-ci ildən yüngül neft hasil edən ARDNŞ-dan (Azərbaycan Dövlət Neft Şirkəti) çərşənbə axşamı verilən məlumata görə, bazar ertəsi neftin qiyməti cümə gününə nisbətən $1,01/barel azalıb.

Azeri Light neft növü Azərbaycanın "Azəri-Çıraq-Günəşli" yatağından çıxarılır. Neft digər növlərlə qarışdırılmadan Bakı-Tbilisi-Ceyhan (BTC) boru kəməri ilə Türkiyənin Ceyhan limanına, dəmir yolu ilə Gürcüstanın Batumi limanlarına çatdırılır.

ARDNŞ-dan bildiriblər ki, FOB Türkiyənin Ceyhan limanı şərtlərilə Azərbaycanın yüngül neftinin qiyməti iyulun 10-da $59,01/barel təşkil edib  və bu, əvvəlki qiymətdən $0,51/barel azdır.

Azərbaycan neftin URALS növünü də Novorossiysk limanından satır. Buraya xammal Bakı-Novorossiysk boru kəməri ilə çatdırılır. Keyfiyyətli Azərbaycan nefti Rusiyanın boru kəmərləri şəbəkəsində digər növlərlə qarışdırılır və Novorossiysk limanında URALS adı ilə satılır. Bu növ, spesifikasiyasına görə, Azərbaycan neftindən keyfiyyət və qiymətcə aşağıdır.

Novorossiysk limanından yüklənən URALS neftinin qiyməti iyulun 10-da $58,42/barel təşkil edib və bu, əvvəlki qiymətdən $0,36/barel azdır.

Şimal dənizindən hasil edilən Brent Dated etalon növlü neftin qiyməti iyulun 10-da $58,76/barel təşkil edib. Bu, əvvəlki qiymətdən $0,38/barel azdır.

Məqalə müəllifi ilə əlaqə ünvanı: [email protected]

Xəbər lenti

Xəbər lenti