Azərbaycan, Bakı, 18 avqust / Trend /
2006-cı ildən bu ilin avqustunadək "Bakı-Tbilisi-Ceyhan" (BTC) boru kəməri ilə 87 milyon ton (650 milyon barel) neft nəql olunub. Bu barədə BP-nin məlumatında deyilir. Bu dövr ərzində BTC ilə Azərbaycanın "Şahdəniz" dən iz yatağından təxminən səkkiz milyon barel qaz-kondensat nəql olunub. BP şirkəti BTC, AÇG və "Şahdəniz" layihələrinin operatorudur.
Ötən ilin oktyabr ayından etibarən boru kəməri ilə "TengizŞevroil" birgə müəssisəsi tərəfindən işlənən "Tengiz" yatağından Qazaxıstan nefti nəql olunur.
BTC Co-nun səhmdarları aşağıdakılardır: BP (30,1 faiz); AzBTC (25 faiz); Chevron (8,90 faiz); Statoil (8,71 faiz); ТРАО (6,53 faiz); Eni (5 faiz); Total (5 faiz); Itochu (3,4 faiz); Inpex (2,5 faiz); ConocoPhillips (2,5 faiz) və Amerada Hess (2,36 faiz).
Bu ilin birinci yarısında BTC layihəsinin kapital xərcləri 38 milyon dollar təşkil edib. BTC üzrə 2009-cu ildə kapital xərclərinin planı 143 milyon dollar təşkil edir. 2008-ci ildə bu göstərici 164 milyon dollar təşkil edib.
2006-cı ildən bu ilin avqustuna kimi Ceyhan limanında 824 tanker yüklənib.
2008-ci ildə BTC ilə ixrac olunan neftin və kondensatın ümumi həcmi 245,6 milyon barel (təxminən 32,9 milyon ton), bu ilin birinci mərhələsində isə 65 milyon barel (8,7 milyon ton) təşkil edib.
