...

ARDNŞ xarici şirkətlə yeni birgə müəssisə yaradıb

Energetika Materials 1 İyul 2010 15:07 (UTC +04:00)

Azərbaycan, Bakı, 1 iyul /Trend, müxbir E.İsmayılov/

ARDNŞ energetika və mineral resurslar sahəsində əsas qeyri-mexaniki sənaye xidmətləri üzrə beynəlxalq tədarükçü olan Britaniyanın Cape PLC şirkəti ilə SOCAR-Cape JV birgə müəssisəsini yaradıblar.

Cümə axşamı Cape PLC-in rəsmi saytında yerləşdirilən məlumatda qeyd olunduğuna görə, birgə müəssisədə 51 faiz ARDNŞ-ə, qalan 49 faiz isə Cape PLC-a məxsusdur.

Saziş iyunun 30-da Bakıda ARDNŞ prezidenti Rövnəq Abdullayev və Cape PLC-in MDB, Aralıq dənizi və Şimali Afrika ölkələri üzrə regional direktoru Qay Rakhem tərəfindən imzalanıb.

Məlumarda vurğulandığı kimi, şirkətin fikrincə, yaxın vaxtlarda "Azəri-Çıraq-Günəşli" neft-qaz yatağının işlənməsi və "Şahdəniz" qaz kondensatı yatağının layihəsinin işlənməsinin inkişaf etdirilməsi ilə əlaqədar layihələrdə xidmət göstərmək və iştirak etmək üçün yaxşı imkan olacaq.

"Biz şadıq ki, ARDNŞ bu birgə müəssisəni yaratmaq barədə qərar qəbul edib. Azərbaycanın böyük neft və qaz yataqları olduğundan, şirkətin MDB-də biznesinin artımı üçün əsas ölkədir. ARDNŞ ilə əməkdaşlıq böyük layihələrə qoşulmaq imkanı verir ki, bunlar da bizim xidmətlərimizi tələb edəcək. Bu, əla imkandır", - Cape PLC-in baş direktoru Martin Maya deyib.

Cape PLC 1893-cü ildə izolə materialları istehsalçısı kimi təsis edilib. Hazırda şirkət ümumi daxilolma üzrə istifadəçilər sistemləri, istilikdən izolə, yanğından mühafizə, oddanqorunma örtükləri, təmizləmə, kadrların hazırlanması və digər qeyri-mexaniki xidmətlər sahəsində ixtisaslaşıb.

Xəbər lenti

Xəbər lenti