Аzərbaycan, Bakı, 20 iyul /Trend, müxbir E.İsmayılov/
Hazırda Azərbaycanın elektrik enerjisinin ixracat potensialı 4-5 milyard kilovat-saat təşkil edir, Bu barədə çərşənbə axşamı Azərbaycan Azərbaycan Elmi-Tədqiqat Layihə Axtarış Energetika İnstitutunun direktoru Nurəli Yusifov bildirib. Azərbaycanda elektrik enerjisinin əsas istehsalçısı və paylayıcısı "Azərenerji" ASC-dir.
Yusifovun sözlərinə görə, hazırda Azərbaycan, Rusiya və İranın, həmçinin Azərbaycan, Gürcüstan və Türkiyənin enerji sistemlərinin sinxronlaşdırılması layihələrinin həyata keçirilməsi üzrə işlər aparılır.
Enerji sistemlərinin sinxronlaşdırılması layihələrinin həyata keçirilməsi Azərbaycana ölkədə istehsal olunan elektrik enerjisinin ixracı üçün vacibdir.
Azərbaycanın şimal və cənub qonşuları ilə enerji sistemlərinin sinxronlaşdırılması layihəsinin həyata keçirilməsi Azərbaycan, Rusiya və İran arasında elektrik enerjisinin qarşılıqlı həcmini yerinə yetirməyə, həmçinin bu layihəyə regionun digər ölkələrini qoşmağa imkan verəcək. Tərəflərdən biri elektrik enerjisinin qarşılıqlı satışı, digəri isə mübadiləsində təkid edirdi.
Ötən il Azərbaycan, Gürcüstan və Türkiyə "Energetika körpüsü" (Power Bridge) layihəsi üzrə qarşılıqlı anlaşma haqqında memorandum imzalayıblar. Üç ölkə tərəfindən həyata keçirilən birgə layihə ABŞ-n Beynəlxalq İnkişaf Agentliyi (USAID) tərəfindən maliyyələşdirilir. USAID və ABŞ-ın Energetika Assosiasiyası birlikdə maliyyə və texniki dəstək göstərirlər.