Azərbaycan, Bakı, 8 sentyabr /Trend/
Yanvar-avqust aylarında ARDNŞ tərəfindən (Azərbaycan Dövlət Neft Şirkəti) Azərbaycanın daxili tələbatının ödənilməsi və ixrac əməliyyatlarının təmin olunması üçün 7,1 milyard kubmetrə yaxın qaz istifadə olunub. Bu barədə çərşənbə günü ARDNŞ-dən verilən məlumatda deyilir.
Məlumatda deyildiyinə görə, istifadə edilən qazın ümumi həcminin 6 milyard kubmetrdən çoxu sənaye müəssisələrinə, əhali və "Azərenerji" SC-yə ötürülüb. Qalan həcm Gürcüstan və Rusiya ilə ixrac əməliyyatlarının təmin edilməsinə, eləcə də Naxçıvan Muxtar Respublikasının (NMR) təbii qazla təmin olunmasına sərf edilib.
Yanvar-avqust aylarında ARDNŞ ölkənin qaz sisteminə 7,5 milyard kebmetrə yaxın qaz tədarük edib ki, bu da proqnozlaşdırılan həcmdən 666,4 milyon kubmetr çoxdur. Bundan başqa, sənaye müəssisələrini, əhalini və ixrac sazişləri çərçivəsində öhdəliklərin təmini üçün ölkənin yeraltı qaz anbarlarına 638,7 milyon kubmetrədək qaz vurulub. Bununla yanaşı, bu dövrdə qaz anbarlarına əlavə olaraq 1 milyard kubmetrə yaxın qaz vurulub.
NMR-i qazla təchiz etmək üçün İranla aparılan "svop" əməliyyatları çərçivəsində yanvar-avqust aylarında 244,7 milyon kubmetr qaz ötürülüb. Avqustda bu göstərici 34,1 milyon kubmetrə yaxın olub.
