...

Avro-3 standartı üzrə yanacaq istehsalı üçün modernləşdirmə lazımdır - ARDNŞ

Energetika Materials 29 İyul 2011 16:29 (UTC +04:00)

Trend-i buradan izləyin

Azərbaycan, Bakı, 29 iyul /Trend, müxbir E.İsmayılov/

ARDNŞ Avro-3 ekoloji standartlarına uyğun avtomobil benizinin istehsalına başlamağı planlaşdırır. Bu barədə cümə günü ARDNŞ-dəki mənbə deyib.

Avro-3 standartlarına uyğun dizel yanacağının istehsalı məsələsinə toxunan mənbə qeyd edib ki, bu proses çox güman ki, 2012-ci ildə başlayacaq.

"Avro-3 dizel yanacağının 2012-ci ildə, 2013-cü ildə isə benzinin istehsalı başlaya bilər", - mənbə qeyd edib.

Avro-3 standartlarına uyğun yanacağın istehsalına başlamaq üçün Heydər Əliyev adına neft emalı zavodunda müvafiq qurğularda modernləşdirmə üzrə işlər aparmaq lazımdır. Bu isə öz növbəsində vaxt tələb edir.

İllik gücü 20 milyon ton olan Bakının 2 NEZ-ində ARDNŞ öz vəsaitləri hesabına quruda və dənzidə hasil edilən nefti emal edir. Heydər Əliyev adına NEZ əlvan neft məhsullarının, "Azneftyağ" NEZ tünd rəngli məhsulların istehsalında ixtisaslaşıb.

Hazırda ARDNŞ-nin istehsal etdiyi dizel yanacağı və benzin Avro-2 ekoloji standartlarına uyğundur.

Bundan başqa, məhsulun keyfiyyətinin artırılması və Avro-5 ekoloji standartlarına uyğun dizel yanacağının və benzinin istehsalına başlamaq məqsədilə ARDNŞ neft, qaz emalı və neft-kimya məhsullarının istehsalı üzrə yeni kompleksin tikintisinə başlamağı planlaşdırır.

Xəbər lenti

Xəbər lenti