Azərbaycan, Bakı, 22 noyabr /Trend, müxbir E.İsmayılov/
Cari ilin yanvar-oktyabr aylarında ARDNŞ (Azərbaycan Respublikası Dövlət Neft Şirkəti) 2,23 milyard kubmetrə yaxın qaz ixrac edib ki, bu rəqəm 2010-cu ilin müvafiq dövründə 1,45 milyard kubmetr təşkil edib. Bu barədə Trend-ə çərşənbə axşamı ARDNŞ-dən verilən məlumatda deyilir.
Oktyabrda ARDNŞ 158,1 milyon kubmetr qaz ixrac edib. Ötən ilin oktyabrında bu rəqəm 159,3 milyon kubmetr olub.
ARDNŞ Rusiyaya öz qazının ixracını "Qazprom" şirkəti ilə imzalanmış müqavilə çərçivəsində həyata keçirir. ARDNŞ, həmçinin qazın bir hissəsini Gürcüstana ixrac edir.
