...

2012-ci ildə Azərbaycanın iri qaz yatağının ehtiyatları dəqiqləşdiriləcək

Energetika Materials 24 Yanvar 2012 15:35 (UTC +04:00)

Trend-i buradan izləyin

Azərbaycan, Bakı, 24 yanvar /Trend, müxbir E.İsmayılov/

Xəzərin Azərbaycan sektorundakı "Abşeron" iri qaz yatağındakı ilk kəşfiyyat quyusunun qazılması yayda başa çatacaq. Bu barədə Trend-ə çərşənbə axşamı neft-qaz bazarındakı mənbə məlumat verib.

Bundan əvvəl quyunun əsas gövdəsinin qazılması üçün qazma işləri başa çatıb və nəticədə 6875 metr dərinlikdə Qirməki Üstü Qumlu Lay Dəstəsi (QLD) açılıb. QLD-yə çıxış müsbət nəticələr verib. Yataq haqqında daha tam məlumat almaq üçün 4000 metr dərinliyi olan elə həmin quyudan 1500 metr dərinliyində yan gövdənin qazılması planlaşdırılır.

Mənbənin sözlərinə görə, yan gövdənin qazılmasına artıq başlanılıb.

"Qazma işləri tam şəkildə təxminən iyun-iyul aylarında başa çatacaq", - mənbə qeyd edib.

"Abşeron" layihəsinin iştirakçıları: ARDNŞ - 40 faiz, Total - 40 faiz, Gaz De France Suez - 20 faiz.

"Abşeron" strukturu üzrə müqavilə 2009-cu il fevralın 27-də ARDNŞ və Total arasında imzalanıb. Sonradan Total müqavilədə iştirak payının 20 faizini Gaz De France Suez şirkətinə verib.

Ötən ilin sentyabrında Xəzərin Azərbaycan sektorunda "Abşeron" yatağında böyük qaz ehtiyatlarının kəşfi elan edilib. Yatağın potensial ehtiyatları 350 milyard kubmetr qaz və 45 milyon ton kondensatdır. Müvafiq olaraq, Azərbaycanın sübut edilmiş qaz ehtiyatları 2,55 trilyon tona qədər yüksəlib.

Xəbər lenti

Xəbər lenti