Azərbaycan, Bakı, 26 iyul /Trend, müxbir E.İsmayılov/
ARDNŞ-nin (Azərbaycan Respublikası Dövlət Neft Şirkəti) Ekologiya İdarəsi Xəzərin Azərbaycan sektorunda "Neft Daşları" NQÇİ-nin "Palçıq Pilpiləsi" yatağında ekoloji monitorinq aparıb. Trend-in məlumatına görə, bu barədə idarənin cümə axşamı yaydığı məlumatda deyilir.
Məlumata görə, monitorinq "MPK-452" gəmisi vasitəsilə həyata keçirilib.
Monitorinq müddətində Xəzər dənizinə təsir edən parametrlərin müəyyənləşdirilməsi üçün yatağın 15 seçilmiş stansiyasından dəniz suyu, zooplankton, fitoplankton və dib çöküntüsü nümunələri götürülüb.