Azərbaycan, Bakı, 6 may /Trend, müxbir E.İsmayılov/
2020-ci ilə qədər Azərbaycanda alternativ və bərpa olunan enerji mənbələrinin payı iki dəfə - 20 faizədək artacaq. Trend-in məlumatına görə, bu barədə bazar ertəsi "Alternativ və bərpa olunan enerji enerji mənbələri sahələrində risklərin sığortalanması" simpoziumunda çıxışı zamanı Alternativ və Bərpa Olunan Enerji Mənbələri üzrə Dövlət Agentliyinin rəhbərinin müavini Cəmil Məlikov bildirib.
Onun sözlərinə görə, bütün alternativ enerji mənbələrinin payında bərpa olunan enerji mənbələri 9,7 faiz olacaq.
Məlikovun sözlərinə görə, hazırda Dövlət Agentliyi investorların cəlb edilməsinə imkan yaradacaq ölkə regionlarının enerji potensialının məlumat bazasını yaradır. Bərpa olunan enerji mənbələri xəritələri ilə yanaşı, məlumat bazasında, həmçinin istehsalçılar haqqında informasiyalar, ölçü stansiyaları və başqa məlumatlar əks olunacaq.
Məlikov vurğulayıb ki, yaxın illərdə böyük diqqət inkişafa və yeni istehsalat texnikalarının tətbiqinə, enerji bölgüsünə, həmçinin müxtəlif bərpa olunan enerji mənbələrinin mənimsənilməsinə ayrılacaq. Tədarükü 2013-cü ilin sonlarından başlanacağı gözlənilir.
Qobustan rayon İcra Hakimiyyətinin başçısı Adil Məmmədov simpoziumda bildirib ki, gələcəkdə bu regionun abonentləri alternativ enerji mənbələrindən istifadə edəcək.
Simpozium Azərbaycan sığorta şirkəti "AXA MBASK" ilə birgə keçirilir.
