Azərbaycan, Bakı, 15 iyun /Trend, müxbir E. İsmayılov/
Azərbaycan Respublikası Dövlət Neft Şirkəti (ARDNŞ) Yunanıstanın DEPA qaz şirkətinin aktivlərini əldə etmək ərəfəsindədir. Trend-in məlumatına görə, bu barədə şənbə günü jurnalistlərə ARDNŞ prezidenti Rövnəq Abdullayev deyib.
Onun sözlərinə görə, DEPA-nın aktivlərinin özəlləşdirilməsi üzrə tender proseduru artıq başa çatıb və ARDNŞ Yunanıstan tərəfilə danışıqlara başlayıb.
Abdullayev qeyd edib ki, mütəxəssislər artıq bu məsələ ilə bağlı danışıqlara başlayıblar.
DEPA-nın aktivlərinin özəlləşdirilməsi üzrə təkrar tenderin elan edilməsi məsələsinə toxunan Abdullayev bildirib ki, bu məsələ danışıqlar zamanı müzakirə ediləcək.
ARDNŞ prezidentinin sözlərinə görə, Yunanıstan şirkətinin aktivlərinin əldə edilməsi ARDNŞ-nin qaz distribusiyası bazarına çıxması deməkdir ki, bu da neft şirkətinin ixracat potensialını daha da möhkəmləndirəcək.