Azərbaycan, Bakı, 8 avqust/Trend, müxbir E. İsmayılov/
İndiyədək Xəzərin Azərbaycan sektorundakı "Şahdəniz" qaz-kondensat yatağından 43 milyard kubmetr qaz hasil edilib. Trend-in məlumatına görə, bu barədə BP-nin 2013-cü ilin yanvar-iyun aylarında fəaliyyətinə dair hesabatında deyilir.
Hesabatda deyilir ki, indiyədək yataqdan 11 milyon ton qaz-kondensat hasil edilib. "Şahdəniz" yatağının ehtiyatları 1,2 trilyon kubmetr qaz həcmində qiymətləndirilir.
Şahdənizdə iştirak payları belədir: BP (operator - 25,5%), Statoyl (25,5%), ARDNŞ (10%), LUKOYL (10%), NİKO (10%), Total (10%) və TPAO (9%).