Türkiyə, İstanbul, 2 oktyabr /Trend, müxbir E.Hüseynov/
Türkiyədə limanın tikintisi sürətlə həyata keçirilən layihələrdən biridir. Bu barədə Trend-ə açıqlamasında "SOCAR Turkey Enerji" şirkətinin rəhbəri "Petkim" neft-kimya holdinqinin İdarə Heyətinin üzvü Kənan Yavuz bildirib.
Onun sözlərinə görə, yeni limanın tikintisi məsələsi ilə bağlı Danimarka və Hollandiya şirkətləri ilə razılıq əldə edilib.
"SOCAR Turkey Enerji" şirkətinin rəhbəri vurğulayıb ki, Liman Türkiyəyə məxsus olacaq, lakin 30 il ərzində Danimarka və Hollandiya şirkətləri tərəfindən istismar olunacaq.
Gözlənilir ki, limanın tikintisi 2015-ci ildə yekunlaşacaq. Layihənin dəyəri 400 milyon dollar təşkil edir.
