Azərbaycan, Bakı, 30 oktyabr /Trend/
"Neft Daşları" yatağındakı quyulardan biri geoloji tədbirdən sonra istismara verilib.
Trend ARDNŞ-nin rəsmi saytına istinadən məlumat verir ki, Azərbaycanın neft-qaz sənayesində əhəmiyyətli rola malik "Neft Daşları" yatağında yeni-yeni quyular qazılmaqla yanaşı, fəaliyyətsiz fondda olan quyular da geoloji-texniki tədbirlər aparılmaqla istismara qaytarılır.
İstehsalın səmərəliliyinin yüksəldilməsi məqsədilə yatağın işlənilməsini həyata keçirən "Neft Daşları" NQÇİ-də mühüm tədbirlər həyata keçirilir.
Bu günlərdə "Neft Daşları" yatağındakı 2346 nömrəli meydançadan 2565 nömrəli quyu aparılmış geoloji tədbirdən sonra istismara verilib.
Quyu IX horizontdan, 1909-1904 metr intervaldan sutkada 10 ton neft hasilatı ilə istismar fonduna qəbul edilib.