...

Britaniyalı deputat: Azərbaycan qazının Avropaya tədarükü dünyada iri mühəndis-tikinti layihələrindən biri olacaq

Energetika Materials 4 Noyabr 2013 17:32 (UTC +04:00)

Azərbaycan, Bakı, 4 noyabr /Trend, müxbir E.İsmayılov/

"Şahdəniz" qaz-kondensat yatağından Azərbaycan qazının Avropaya tədarükü layihəsi dünyada iri mühəndis-tikinti layihələrindən biri olacaq. Trend-in məlumatına görə, bunu bazar ertəsi Bakıda keçirilən Beynəlxalq ekologiya konfransında Böyük Britaniya Parlamentinin Lordlar Palatasının üzvü, "Global Counsel" beynəlxalq konsaltinq şirkətinin rəhbəri lord Piter Mandelson deyib.

Onun sözlərinə görə, "Şahdəniz" yatağının işlənməsinin ikinci mərhələsi üzrə yekun investisiya qərarının qəbul edilməsindən sonra Azərbaycan qazının Avropaya tədarükü layihəsi Britaniya şirkətinin (indiki halda "bp") iştirakı ilə ən iri infrastruktur layihəsi olacaq.

Lord bildirib ki, ARDNŞ və bp-nin tərəfdaşlığı hər iki şirkətin uğurunun əsasını qoyub.

P.Mandelson qeyd edib ki, Azərbaycan qazının tədarükü layihəsinin reallaşdırılması Azərbaycanın XIX əsrdə olduğu kimi, XXI əsrin əvvəlində də neft-qaz hasilatı sahəsində standartlar müəyyən etməsinin göstəricisidir.

Məqalədə:
Xəbər lenti

Xəbər lenti