Azərbaycan, Bakı, 16 dekabr /Trend, müxbir E.İsmayılov/
Gürcüstanda yeni yarımstansiya və elektrikötürücü xətlərin (EÖX) tikintisi hər il Azərbaycana bu ölkə istiqamətində 500-600 meqavat-saat elektrik enerjisi ixrac etməyə imkan verəcək. Trend-in məlumatına görə, bu barədə jurnalistlərə Azərbaycanın energetika naziri Natiq Əliyev deyib.
Onun sözlərinə görə, Azərbaycan indi də Gürcüstana elektrik enerjisi ixrac etmək imkanına malikdir, lakin bu ölkədə yeni enerji obyektlərinin tikintisi bu imkanları genişləndirir.
Nazirin qeyd edib ki, bununla yanaşı, yaxın vaxtlarda Azərbaycan, Gürcüstan və Türkiyə enerji sistemlərinin birləşdirilməsi ilə Türkiyəyə elektrik enerjisi ixrac etmək imkanı yaranacaq.
NƏliyevin sözlərinə görə, üç ölkənin enerji sistemlərinin birləşdirilməsi elektrik enerjisinin ixracı sahəsində onların paralel iş aparmasını təmin edəcək.
