Azərbqycan, Bakı, 29 aprel /Trend, müxbir E.İsmayılov/
Azərbaycan Respublikası Dövlət Neft Şirkətinin (ARDNŞ) 61,32 faiz iştirak payına sahib olduğu Türkiyənin "Petkim" neft-kimya kompleksi etilen və təmiz tereftal turşusunun (PTA) istehsalı üzrə müəssisələrin gücünü artıracaq. Bu barədə Trend "Petkim"in rəsmi saytına istinadən məlumat verir.
Bu müəssisələrin illik gücünü indiki 3,2 milyon tondan 3,6 milyon tonadək artırmaq planlaşdırılır.
Tərkibində 15 əsas istehsalat və 7 yardımçı bölmənin olduğu "Petkim" bu işlərin yerinə yetirilməsi üçün 138 milyon dollar investisiya yatıracaq.
Məlumatda deyilir ki, bu ilin I rübündə müəssisələrin gücünü və işlərin səmərəliliyini artırmaq üçün 58 milyon türk lirəsi həcmində investisiya qoyulub.
