Bakı. Maksim Tsurkov - Trend:
BP şirkətinin rəhbərlik etdiyi “Şahdəniz” yatağının işlənməsi üzrə konsorsium Bolqarıstana ilk qaz tədarükünün 2020-ci ildə başlayacağını bildirib.
Trend-in məlumatına görə, bu barədə Bolqarıstan Energetika Nazirliyinin bəyanatında deyilir.
Məlumata əsasən, Bolqarıstanın energetika naziri Temenujka Petkova ilə görüş zamanı konsorsium nümayəndələri bildirib ki, “Şahdəniz-2” layihəsi çərçivəsində hasilatın başlaması üzrə işlər sürətləndirilib:
“Onlar əmin olduqlarını bildirdilər ki, Bolqarıstan Azərbaycandan ilk təbii qaz partiyasını 2020-ci ildə alacaq. Azərbaycan regionda enerji təhlükəsizliyinin təmin olunması üzrə tədbirlərdə Bolqarıstanı dəstəkləyir”.
T.Petkova öz növbəsində əlavə edib ki, son aylarda Yunanıstan-Bolqarıstan interkonnektorunun yaradılması layihəsi üzrə işlər intensivləşib.