Bakı. Sara İsrafilbəyova - Trend:
Azərbaycan OPEC+ çərçivəsində öhdəliklərini yerinə yetirməyə başlayıb.
Trend-in məlumatına görə, bunu energetika naziri Pərviz Şahbazov deyib.
Onun sözlərinə görə, OPEC+ çərçivəsində neft hasilat həcmlərinin azaldılması təmin edilib.
Nazir qeyd edib ki, bu ilin iyun ayında Vyanada keçiriləcək OPEC+ formatı çərçivəsində nazirlərin konfransı zamanı ilin ikinci yarısı üçün neft hasilatının həcmləri ilə bağlı qərarlar qəbul edilə bilər.
Qeyd edər ki, hazırda Azərbaycanda gündəlik orta neft hasilatı təxminən 770 min barel təşkil edir.