Bakı. Trend:
Azərbaycanın "Suraxanı" yatağında 2022-ci ildə neft hasilatı proqnozlaşdırılan 1.10 milyon barellə müqayisədə 1.04 milyon barel olub.
Trend bu barədə çərşənbə günü Hesablama Palatasına istinadən xəbər verir.
Məlumata əsasən, ötən il yataqda istehsalat planı 94% yerinə yetirilib.
Azərbaycan Dövlət Neft Fondunun (SOFAZ) bu yataqdan gəliri proqnozlaşdırılan 5.67 milyon dollarla müqayisədə 5.31 milyon dollar olub.
Qeyd edək ki, “Suraxanı” neft yatağı Bakı şəhərindən 16 km şimal-şərqdə yerləşir. “Azərbaycan Respublikasının Suraxanı neft yatağının daxil olduğu Blokun Bərpası, İşlənməsi və Hasilatın Pay Bölgüsü haqqında Saziş” 16 avqust 2005-ci ildə qüvvəyə minib.
Sazişdə razılaşdırılan ərazinin ümumi sahəsi 13 kv.km-dir.
2006-cı ilin may ayından yataq "Surakhani Oil" əməliyyat şirkəti tərəfindən işlənilir.
(Tərcümə: Rəna Əbdürəhmanova)
Twitter: @Lyaman_Zeyn